ഗൈഡ്സ് യൂണിറ്റ് വാര്‍ഷിക ക്യാമ്പ്
VI,VII,VIII,IX,Xഎന്നീ ക്ലാസുകളിലെ 56 കുട്ടികളെ പങ്കെടുപ്പിച്ചുകൊണ്ട് ജനുവരി 11,12 തീയതികളിലായി ഗൈഡ് യൂണിറ്റ് വാര്‍ഷിക ക്യാമ്പ് നടത്തി. 11ന് രാവിലെ 10 മണിക്ക് പതാക ഉയര്‍ത്തലോടെ ആരംഭിച്ച ക്യാമ്പിന്റെ ഔപചാരികമായ ഉദ്ഘാടനം വാര്‍ഡ് മെമ്പര്‍ ശ്രീ.സതീശന്‍ നിര്‍വ്വഹിച്ചു. ചടങ്ങില്‍ പി ടി എ പ്രസിഡണ്ട് ശ്രീമതി.സുനിത അധ്യക്ഷയായി. തുടര്‍ന്ന് രണ്ടു ദിവസങ്ങളിലായി ഗൈഡിങ്ങുമായി ബന്ധപ്പെട്ട കഥ,പാട്ട്,കളികള്‍,ടെന്റ് നിര്‍മ്മാണം,എക്സിബിഷന്‍,പാചകം,ക്യാമ്പ് ഫയര്‍, സര്‍വ്വമതപ്രാര്‍ത്ഥന എന്നീ പ്രവര്‍ത്തനങ്ങള്‍ നടന്നു.ക്യാമ്പില്‍ അമ്മമാരുടെ പരിപൂര്‍ണ്ണ സഹകരണം ശ്രദ്ധേയമായിരുന്നു.ഹോസ്ദുര്‍ഗ് ലോക്കല്‍ അസോസിയേഷന്‍ സെക്രട്ടറി ശ്രീമതി ബിന്ദു,കാഞ്ഞങ്ങാട് ജില്ലാ ഓര്‍ഗനൈസിംഗ് കമ്മീഷണര്‍ ശ്രീമതി മൈഥിലി എന്നിവര്‍ ക്യാമ്പ് സന്ദര്‍ശിച്ച് കുട്ടികള്‍ക്ക് മാര്‍ഗനിര്‍ദ്ദേശങ്ങള്‍ നല്‍കി. സമാപന സമ്മേളനത്തില്‍ ഹോസ്ദുര്‍ഗ് എ ഇ ഒ ശ്രീ പി വി ജയരാജ് ഉദ്ഘാടനവും സമ്മാനദാനവും നിര്‍വ്വഹിച്ചു. ഹെഡ്മിസ്ട്രസ് അധ്യക്ഷയായി.കുട്ടികള്‍ ക്യാമ്പനുഭവങ്ങള്‍ പങ്കുവച്ചു. ഗൈഡ് ക്യാപ്റ്റന്‍മാരായ ജയ എം വി, ബീന. വി എന്നിവര്‍ ക്യാമ്പ് പ്രവര്‍ത്തനങ്ങള്‍ക്ക് നേത‍ൃത്വം നല്‍കി. 12ന് വൈകിട്ട് 5 മണിയോടെ പതാക താഴ്ത്തി, ദേശീയഗാനാലാപനത്തോടെ ദ്വിദിന ക്യാമ്പ് സമാപിച്ചു.
No comments:
Post a Comment